Este blog volve á actividade. Despois dun ano de silencio (motivos persoais e profesionais así o obligaron) voltamos para quedarnos. Intentaremos actualizalo o máximo posible dentro das nosas modestas posibilidades. Espero que o disfrutedes. ¡Forza Ourense!
Voltamos falando do Sporting Clube de Braga, os chamados "Guerreiros do Minho",o noso rival de mañá no Couto a partires das 21,00 horas no partido de presentación. O equipo portugués xogará esta
tempada a Europa League despois de acabar en cuarta posición na liga lusa.
O CLUBE
O Sporting Clube
de Braga é un histórico do fútbol portugués. Fundado en 1921 xogou 57 tempadas (vai
para a 58) na primeira categoría do fútbol do país veciño. Sempre foi
considerado un equipo da zona media da tabla, que acadou como maior éxito a
Taça de Portugal de 1966 ao vencer na final ao Vitoria de Setúbal por 1-0.
Antonio Salvador |
A historia do
clube trocou coa chegada á presidencia de António Salvador no ano 2003, con tan
só 32 anos de idade. Con António
Salvador na presidencia os resultados non tardaron en chegar. Dotou ao clube de estabilidade financeira e mudou os seus resultados
deportivos, pasando da zona media da clasificación a pelexar a hexemonía dos
tres grandes do fútbol luso (Porto, Benfica e Sporting de Portugal). Estivo a
piques de conquistar a liga 2009-10, cedendo finalmente ante o Benfica de Jorge
Jesús, e tamén loitou polo título na 2011-12 fronte a Porto (campión) e Benfica
(subcampeón), finalizando no terceiro posto. A tempada pasada logrou o terceiro
título da súa historia ao conquistar a Taça da Liga ao vencer na final ao Porto
por 1-0.
Estes bos
resultados nas competicións dométicas reflectíronse en Europa. Dende a tempada
2004-05 o Sporting de Braga sempre xogou competición europea, clasificándose en
dúas ocasións para a Champions League. No verán do 2008 gañou a Copa Intertoto
e na tempada 2010-11 foi finalista da Europa League. Chegou á Europa League
despois de ser eliminado na fase de grupos de Champions. Eliminou a clubes da
categoría e historia de Liverpool, Dínamo de Kiev e Benfica hasta medirse na
final ao Porto. Un gol de Radamel Falcao no último minuto de primeiro tempo
acabou co soño dos Guerreiros do Minho, adestrados por Domingos Paciencia.
O éxito de
Antonio Salvador baséase en contratar xoves xogadores e apañar os descartes dos
tres grandes do fútbol luso. Os homes que destacan son asinados por clubes de
maior potencial económico, incluídos tamén os adestradores, e teñen que chegar
outros que os sustitúan, polo que o cambio no cadro de xogadores do Sporting de
Braga é moi grande cada tempada. O proxecto do Spórting non se basea nun
adestrador nin nun xogador. Deste xeito só permanecen na equipa dous dos xogadores
que disputaron a final da Europa League de hai dúas tempadas: Custodio e Alan.
Dende logo que a secretaría técnica do clube realiza un gran traballo á hora de
fichar xogadores, conseguindo que o potencial do equipo non disminúa tempada
tras tempada.
Pero Antonio Salvador non se contenta con pelexar cos tres
grandes, desbancando de vez en cando a un deles. O seu gran obxectivo é conquistar títulos (falamos
de títulos grandes como a Liga, a Taça ou a Europa League) e xogar a Champions
League. Precisamente o motivo de que non continuara cos minhotos o adestrador José
Peseiro foi a non clasificación para a Champions, a pesares de ter conquistado
a Taça da Liga.
O SPORTING DE
BRAGA 2013-14
Jesualdo Ferreira |
Para sustituir a
José Peseiro, Antonio Salvador contratou a Jesualdo Ferreira. O veterano
técnico de 67 anos foi o primeiro adestrador de Antonio Salvador no Sporting de
Braga, e co comezou a construir este proxecto ainda por rematar. Agora retorna
tras marchar no ano 2006 con destino ao Porto (clube co que gañou tres Ligas,
dúas Taças e unha Supertaça de Portugal). Despois pasou por Málaga,
Panathinaikos e Sporting de Portugal, regresando ao clube que o lanzou a fama.
Agora terá que
construir un equipo ao redor da base da tempada pasada, aínda que perdeu a dous
homes importantes que partiron rumbo aos petrodólares do Al-Ahli dos Emiratos
Árabes Unidos: Mossoró e, sobre todo, Hugo Viana, o home sobre o que xiraba o
xogo do equipo.
Para mellorar o
cadro de xogadores e loitar por meterse na Champions e conquistar algún título
Jesualdo Ferreira contará con varias incorpoacións, entre as que destacan a
chegada do porteiro Eduardo, internacional por Portugal, e que ven cedido polo
Génova italiano, clube que o fichou no 2010 ao propio Sporting de Braga. A
defensa foi reforzada co lateral dereito serbio de 23 anos Aleksander Miljkovic,
procedente do Partizán de Belgrado, e co lateral esquerdo Joäozinho, chegado do
Beira Mar.
E para o ataque
chegaron os extremos Salvador Agra (internacional sub 21) de 21 anos procedente
do Betis e o colombiano Felipe Pardo de 22 anos fichado do Independiente de
Medellín; ademáis do veterano dianteiro centro Edinho, pertencente ao Málaga
ainda que a tempada pasada estivo cedido no Académica de Coimbra onde marcou 18
goles.
Ademáis dos novos
correspóndelle tomar o mando a xogadores como Custodio, un medio centro
defensivo de 30 anos que leva dende o 2010 no Sporting de Braga, sendo
internacional absoluto con Portugal, e Rúben Micael, un medio ofensivo (tamén
internacional con Portugal) de 26 anos procedente do Atlético de Madrid, que xa
xogou como cedido a tempada pasada no Sporting. Tamén aportará a su experiencia
o capitán Alan, un extremo brasileño de 33 anos que chegou no 2008 a Braga, e
que esta tempada parece que pasará a xogar no medio do campo.
O cadro de
xogadores aínda non está pechado esperándose a fichaxe dun central e dun
atacante.
RESULTADOS DE
PRETEMPORADA
O Sporting de
Braga xogou catro partidos amistosos no Algarve, onde realizou a primeira parte
da pretempada. Só encaixou un gol e aínda non coñece a derrota. Venceu ao
Sheffield Wednesday, da segunda categoría inglesa, por 3-1 e ao Farense,
segunda división portuguesa, por 1-0. Os outros dous partidos empatounos sin
goles ante Betis e Hull City (Premier inglesa).
DORSAIS
Gran Blog! M epodeis pasar fotos de la afición del Ou?
ResponderEliminarEn este enlace puedes encontrar algunas: http://ourense.incondicionales.com/fotos_del_cd_ourense-igf.htm
ResponderEliminarYa pero hai que registrarse... Conoces algun otro blog del ourense? teneir Twitter?
ResponderEliminarNo conozco otro blog. Mi twitter es @DamiDominguezF
ResponderEliminarSaludos