O equipo da tempada 58-59 non se cansaba de golear |
A goleada que
C.D.Ourense lle endosou ao C.D.Alcalá o mércores pasado no partido de volta dos
cuartos de final da Copa Federación non é, nin moito menos, unha das máis
grandes que disfrutou O Couto. O 6-1 quédase curto ante outras malleiras que
C.D.Ourense lle endosou a outros visitantes do noso estadio. Nin tan siquera
consigue entrar entre as 20 primeiras. Repasemos as cinco maiores, para non
estendernos demasiado.
1ª.- CDOU, 12 – Xuvenil de Ponteareas, 0 (tempada
58-59)
A maior goleada
tivo lugar o 05-10-1958, na terceira xornada de liga dunha 3ª división
integrada por 16 clubes, todos galegos. Os vermellos ansiaban o ascenso a 2ª
división, sendo uns dos máximos favoritos ao título. Sen embargo as cousas non
comezaron ben, sendo derrotados na segunda xornada en Ordes por 2-1. A afición
non recibiu demasiado ben aos xogadores locais e estos reaccionaron facéndolle
pagar os pratos rotos ao Xuvenil de Ponteareas, equipo que xa ocupaba o
derradeiro posto da táboa e que non abandonaría ata o final da liga.
O primeiro tempo
xa rematou con 7-0, nun partido que foi totalmente dominado polos locais, que
buscaron con esta goleada recuperar a confianza dos siareiros e a súa mesma. A
verdade é que así foi e o equipo proclamouse campión de liga e logrou o ascenso
á 2ª división por primeira vez na historia. Os vermellos conqueriron esta
tempada 109 goles en 30 partidos.
Os goleadores
foron: Ferradás (3), José Luís (3), Gonzalo (2), Malet (2) e Rivera (2).
2ª.- CDOU, 11 – Coruxo, 1 (tempada 66-67)
A segunda maior
tunda sufriuna o Coruxo o 13 de novembro de 1966, na novena xornada de liga de
3ª división. Os vermellos ían líderes, mentras que os vigueses transitaban pola
zona morna da táboa. Esperábase unha victoria local pero non unha goleada deste
tipo, e máis cando se adiantaban os verdes ao cuarto de hora. Reacción
inmediata do Ourense que en dez minutos lle deu a volta ao marcador, rematando a primeira metade
con 5-1 no marcador.
No segundo tempo
a maquinaría ourensanista non afroxou o ritmo, conseguindo outros seis goles
que deixaron o marcador no escandaloso 11-1 final, e eso que o árbitro anulou outro
gol aos vermellos. Polo Ourense marcaron Carballeda (5), Cortes (3),
Wilson Jones, Seara e Arias.
Ao final de
tempada C.D.Ourense conquistou un novo título de liga (con 91 goles a favor),
aínda que foi afastado do ascenso polo Xerez C.D., e o Coruxo finalizou no
penúltimo posto, descendendo á Serie A.
3ª.- CDOU, 10 – Arenal, 0 (tempada 57-58)
Os anos 50 e 60,
épocas douradas do noso club, foron pródigas en goleadas de escándalo. O
terceiro posto no escalofón foi o 10-0 endosado ao Club Arenal de Santiago o 9
de marzo de 1958, na xornada 25 do campionato de 3ª división. Ourense e Turista
loitaban polo primeiro posto, que finalmente se levarían os vigueses, cando se
achegou ata O Couto o Club Arenal de Santiago, colista da categoría.
Os locais non
tiveron problemas para golear aos santiagueses e continuar na loita co Turista.
Nun partido de cor vermella golearon Zurría (3), Ajuria (3), Malet (2) e
Miluco (2).
Finalmente o Ourense acabaría en segunda posición, o que lle
deu dereito a xogar a promoción de ascenso. Na eliminatoria definitiva tivo
como rival ao Deportivo da Coruña, xogaba a promoción dende a 2ª división, pero
os ourensanistas apenas tiveron opcións permanecendo unha tempada máis na categoría
de bronce.
4ª.- CDOU, 10 –
Santiago, 1 (tempada 58-59)
A tempada 58-59 foi unha gran campaña para C.D.Ourense: campión
de 3ª división e ascenso a División de Prata do fútbol español. Ademáis o
equipo despregou un gran fútbol conseguindo goleada tras goleada. Si ao Xuvenil de Ponteareas lle cairon 12
o Santiago levou 10 noutra inspirada tarde dos vermellos.
Este partido puña
fin a tempada, xogouse o 26 de abril, e estaba considerado de mero trámite, xa
que ningún dos dous equipos se xogaban nada. Sen embargo o Ourense estaba moi
forte, a promoción de ascenso esperaba e o equipo amosábese preparado para
afrontala con garantías. Este partido así o demostrou. Ao final volta de honra
dos xogadores locais polo título acadado coa algarabía conseguinte nas gradas
do Couto.
O Santiago
conseguiu empatar o partido (1-1), pero despois caiu totalmente rendido ao
vendaval ofensivo local. Meliá (4), Malet (3), Urquizu (2) e Ferradás foron os
goleadores locais.
5º.- CDOU, 9 – Alondras, 0 (tempada 68-69)
Para pechar estas
espectaculares goleadas chegamos ao 16 de febreiro de 1969. O Ourense comandaba
a clasificación do grupo I de 3ª división, integrado por clubes galegos e
asturianos, e recibia ao Alondras na xornada 23 (no comezo da segunda volta). Os
do Morrazo loitaban por non descender, obxectivo que lograrían, pero no Couto
sufriron unha goleada que non esperaban a pesares da diferencia entre os dous
equipos.
Aos vermellos saíulle un partido casi perfecto e non tiveron
piedade dos cangueses. Pataco en catro ocasións (excepional partido o seu),
Túnez e Carballeda, en dúas ocasiones cada un, e Rubio en propia porta foron os
goleadores dun partido pletórico dos locais.
Ao final da
tempada o Ourense volveu a conquistar a liga e desta vez si logrou o ascenso á
2ª división, algo que se lle negara ao fenomenal equipo dos 30 partidos 30
victorias da tempada anterior, ao superar ao Bilbao Ath.
Boas! e goleadas actuais no Couto?
ResponderEliminarOla. Pois nas últimas tempadas as goleadas non chegan ao nivel dos anos 50 ou 60. Nos últimos anos en 3ª división houbo varias como un Ourense, 6 - Pontevedra B, 1 (2010-11) e na 2009-10 temos as seguintes: Ourense, 6 - Culturasl Areas, 0; Ourense, 6 - Verín, 2 e Ourense, 6 - Somozas, 0
ResponderEliminarSaúdos.