Voltando ao caso do Celta B, dicir que o filial celeste aséntase sobre as cinzas do histórico Turista da parroquía viguesa de Lavadores, parroquia que foi concello independente ata 1941 cuando foi absorbido pola dinámica e crecente cidade de Vigo.
O Turista Sport
Club fundouse no ano 1927, só catro anos antes nacera na veciña Vigo o Real
Club Celta despois da fusión entre o Vigo Sporting e o Fortuna. O Turista naceu
dunha escisión do Gran Peña, club tamén de Lavadores, que fora fundado un ano
antes e que arestora milita en Primera Autonómica.
Como se pode supoñer a rivalidade entre os dous clubs de Lavadores era brutal. Os derbis vivíanse con gran pasión, dividindo Lavadores en dous bandos. Fútbol en estado puro.
O Turista Sport
Club, obrigado en 1941 a trocar o seu nome polo de Club Deportivo Turista polo
goberno franquista, que non quería estranxeirismos nos nomes dos clubs, viviu a
súa etapa dourada na década dos 50 e 60, onde mantivo unha forte rivalidade con
Club Deportivo Ourense. Na tempada 57-58
foi campión do grupo I de 3ª división e xogou varias promocións de ascenso a 2ª
división.
Evolución do uniforme do Turista |
A mediados dos 60
o seu gran rival, o Gran Peña, atravesa graves problemas económicos. Para solventalos
intenta unha fusión co Turista. A proposta non sae adiante ao ser rexeitada
polos socios do Turista. Unha decisión que terá consecuencias no futuro. Finalmente
o Gran Peña pasa a ser filial do Celta a partires de 1971 para poder
sobrevivir.
Mentras tanto o
Turista segue o seu camiño militando entre a Rexional Preferente e a 3ª
división. Co paso dos anos os problemas económicos comezan a agobiar ao club,
que decide, auspiciado polo concello de Vigo, iniciar un proceso de fusión co
Gran Peña. Desta vez son os socios granpeñistas os que lle devolven a moeda e
rexeitan a fusión. Unha decisión que acarrea graves problemas aos dous equipos.
O Gran Peña é expulsado do campo de Barreiro, agora de propiedade municipal, e
o Turista segue cos seus problemas económicos. En 1988 o Gran Peña deixa de ser
filial do Celta, recuperando a súa total independencia, pasando a ser novo
filial celtiña un Turista agobiado polas débedas. O novo status do Turista
levao a trocar o seu nome polo de Celta Turista. Era o principio do fin do histórico
club de Lavadores.
No verán de 1995
chega a disolución do Turista. A Lei do Deporte, a que crea as SAD, obriga a
que os filiais se integren na estrutura do club principal, desparecendo como
entidade propia. Así a partires da tempada 1995-96 o Celta Turista convértese
no Celta B. Tristemente ponse fin a 68 anos de historia. O Turista foi unha
vítima máis do fútbol moderno.
No hay comentarios:
Publicar un comentario